كيفاش تسيير فلوسك

ملي كتوصل لسن الرشد وكتستقل كيولي خاصك تعرف كيفاش تسيير فلوسك

وحسن التسبير كيعني:

• -أنك خاصك تصرف قل من داك شي لي كتربح باش تقدر توفر شوية لفلوس
• -أنك توفر فلوس لغادي يخليك ديما واجد فحالة ما حتاجيتي فلوس على غفلة او كنتي فحالة مستعجلة.

باش تعرف كيفاش تسيير فلوسك، خاصك تشوف كل الفاتورات والمصاريف لي عندك. بحال الما،الضو ،الكرا ،التلفون ،الماكلة والمصاريف الشخصية(لهوايات،لخرجات…)

غادي تلقى بلي كاين شي مصاريف كتخلصها كل اسبوع وكاين لي كل شهر وكاين لي كل ست شهور.

الا قدرتي توفر شوية الفلوس كل مرة، مغاديش تصدم في حالة ما شي مرة جاتك شي فاتورة غلى من داك شي لي مولف، داك شي لي وفرتيه كيخليك ميكون عندك حتى كريدي وماتحيدش شي مصروف عادي عندك.