السكن المشترك كيبقى رخيص بالنسبة ليك ومعناه أنك غادي تشارك بيت ولا البرطمة لكتكري مع ناس اخرين وغادي تشاركو فلوس لكرا،
ممكن هاد الناس تكون كتعرفهم وممكن متكونش كتعرفهم
السكن المشترك هو اختيار مزيان حيت غادي تلقى لي يعاونك ويخلص معاك لكرا وهاكا غادي تقدر توفر شوية لفلوس.
اجتماعات ديال شركاء السكن طريقة زوينة بزاف باش تهدرو وتناقشو جميع المشاكل لي ممكن توقع فدار.
ممكن تكون واحد اكلة تاكلوها مجموعين غادي تعطيكم فرصة باش تناقشو الفواتير وتحددو شحال غادي يخلص كل واحد
ممكن تهدرو على نظافة ديال لبيت مثلا شكون ايدير هاد الحاجة وإمتى ايديرها
وتفكر أن كل واحد عندو طريقتو فلعمل الا كنتي نتا كتبغي تسيق وتمسح الارض ولي ساكن معاك ينظف الكوزينة والحمام هادي حاجة مزيانة وخاصكم تكملو بهاد الطريقة.
تاكد بلي كلشي هدر في الاجتماع وبلي كل واحد عندو فرصة باش يعطي رأي ديالو كيفاش تسييرو الامور في الدار.
الجدول المنزلي
هاد الجدول كيدار باش تعرفو إمتى تخلصو الفواتير والاعمال المنزلية لغادي تدار وباش تعرفو الخرجات والهوايات لي غادي تديروهم بعضيتكم.
إلا كنتي كتقلب على سكن قولها للناس لي دايرين بيك ولي كتربطك بيهم علاقة مزيانة ممكن يكونو كيعرفو شي واحد لي حتى هو كيقلب على فين يسكن
تقدر تسول االناس لي خدامين فلمركز ولا المربي ديالك او الشباب لي معاك فلمركز.
شوف وقلب في الاعلانات ويمكن ليك حتى نتا دير واحد.
Input your search keywords and press Enter.
