من المهم انك تعرف ان معظم الشباب لي في المراكز كايستعدو الحياة المستقلة ملي كايوصلو 18 عام. و عل لعموم الشباب لسن ديالو كيتراوح ما بين 15 و 18 في المراكز خاصو يفكر و يبدا من هاذ العمر يبرمج باش يستعد مزيان للحياة المستقلة، ممكن يكون عندك عامل اجتماعي لي كيدعمك لكن في جميع الاحوال جا الوقت لي خاصك تستعد فيه .
مخصكش تحس بانك بوحدك، حيث جميع الشباب لي كيستعد باش ياسس حياة مستقلة كيحتاج يتعلم كيفاش يندمج في المجتمع كيفاش يهتم براسو، كيفاش يلقا عمل , والعديد من حوايج جديدة باش يكون مستقل. خاصك تفهم وتفكر دائما انك مادام نت في مرحلة انتقالية فيمكن ليك تطلب المساعدة في اي وقت حسيتي فيه انك محتاجها حتى توصل لمرحلة الاستقرار ديالك .
وخلال هاد المرحلة ممكن تحس بالعديد من المشاعر السلبية مثلا الارتباك او الخوف او عدم الثقة في النفس حيت هو الوقت لغادي تغير فيه نظرتك للعالم و هو احساس مش ساهل مادام نتا فمرحلة تغيير من الحياة العائلية لي حياة جديدة داك شي علاش كتستحق انك تلقى جميع المساعدة والدعم باش تنتقل لحياة لي نتا ختاريتيها !
و لكن خاصك تفكر في مستقبلك، يمكن كنتي مولف على طبيعة حياة كتبع فيها غير برامج والاوامر
يمكن كنتي عايش نهار بنهار بلا متفكر في المستقبل هاد شي كامل عادي مادام كين بجنبك واحد الشخص لي مسؤول عليك ـ اما دابا فالامور بين يديك باش تنظم حياتك وتحط برنامج خاص بيك لي تكون فيه نتا المسؤول على حياتك وعلى حركاتك.
جا الوقت فين تفكر في مستقبلك، اشنو هي اهدافك، اشنو بغيتي تحقق في حياتك، بصح هاد الاسئلة صعيب تجاوب عليها ولكن متنساش نتا ماشي بوحدك.
من المهم انه تكون عندك خطط ديما فين تقدر تبدا من جديد، هاد شي علاش وضعنا هاد الموقع لي غادي يسهل عليك التخطيط وكذلك يسهل عليه الوصول للمعلومات والموارد لي تفيدك فصفحة الاتصال.
Input your search keywords and press Enter.
